Haukar hafa ráðið til sín leikmann fyrir komandi átök í Iceland Express-deildinni næsta vetur en Haukar unnu sér rétt til að spila á meðal þeirra bestu þegar þeir sigruðu Val í úrslitakeppni 1. deildar karla á síðustu leiktíð.
Eins og fram kemur á heimasíðu Hauka hafa þeir fundið amerískan Hollending til að leika með liðinu að nafni Gerald Robinson.
Robinson er 26 ára gamall fæddur í Amsterdam en uppalinn í Bandaríkjunum. Hann spilaði með Tennesee Martinn háskólanum á árunum 2004-2008 og á lokaári sínu skoraði hann 14 stig, tók tæp 8 fráköst og var með rúman einn stolinn bolta að meðaltali í leik.
Robinson spilaði í þýskalandi á síðustu leiktíð með USC Freiburg en þar á undan spilaði hann á Spáni og í Bretlandi.
