Álftanes hefur gengið frá samkomulagi við Collin Pryor um að leika með liðinu á komandi keppnistímabili. Pryor er reynslumikill leikmaður sem hefur leikið hér á landi síðan árið 2014 og er með íslenskan ríkisborgararétt. Forráðamenn Álftaness binda miklar vonir við komu hans og telja að gríðarleg reynsla hans og gæði muni styrkja leikmannahópinn verulega fyrir þau átök sem fram undan eru í deildinni.
Huginn Freyr Þorsteinsson, formaður körfuknattleiksdeildar Álftaness, lýsir yfir mikilli ánægju með félagsskiptin og segir það fagnaðarefni fyrir klúbbinn að fá leikmann af þessari gráðu. Hann bendir á að dýrmæt reynsla Pryors muni nýtast liðinu vel á nýjum heimavelli þess í Kaldalónshöllinni, þar sem stuðningsmenn munu fá tækifæri til að sjá nýja leikmanninn á parketinu á næstu leiktíð.
Collin er fyrsti leikmaðurinn sem félagið tilkynnir að samið hafi verið við síðan þeir sömdu við nýjan þjálfara sinn Baldur Þór Ragnarsson.
