15:16
{mosimage}
Fjöldi leikja fer fram vítt og breitt um landið í kvöld ef veður leyfir. Nú þegar hefur einum leik verið frestað en það er leikur Hamars og KFÍ í 1. deild karla. Í Iceland Express deild karla eru þrír leikir og þrír leikir í 1. deild karla.
Í Grindavík er toppslagur þar sem Grindavík og Tindastóll mætast í Iceland Express deild karla. Bæði lið eru taplaus og því um hörkuleik að ræða.
Í Smáranum taka Blikar á móti KR og í Stykkishólmi verða Þórsarar í heimsókn.
Í 1. deild karla heimsækja Haukar Hrunamenn á Flúðir, Suðurlandsslagur verður í Þorlákshöfn þar sem Þorlákshafnarbúinn Óskar Þórðarson verður með lærisveina sína í Laugdælum í heimsókn.
Allir þessir leikir hefjast klukkan 19:15 en klukkan 20 eigast við Valur og Ármann í Vodafonehöllinni.
Þá má ekki gleyma toppslag í 1. deild kvenna en Ármann tekur á móti Njarðvík í Laugardalshöll klukkan 18.
