Alba Berlín vann afgerandi þrjátíu stiga heimasigur á Phoenix Hagen, 102–72, í þýsku úrvalsdeildinni í körfubolta í kvöld.
Martin Hermannsson stjórnaði spili Berlínarliðsins af miklu öryggi og var besti maður vallarins með 23 framlagspunkta. Hann skilaði sjö stigum, gaf sjö stoðsendingar og reif niður eitt frákast.
Þýskalandsmeistararnir eru með átta stig í 10. sæti deildarinnar eftir átta umferðir, en liðið hefur unnið fjóra leiki og tapað fjórum það sem af er tímabili.
