Martin Hermannsson og Alba Berlin unnu átta stiga sigur gegn Mitteldeutscher í þýsku úrvalsdeildinni í dag, 88-80.
Á rúmri 31 mínútu spilaðri í leiknum var Martin með 19 stig, 3 fráköst, 10 stoðsendingar og stolinn bolta, en hann var framlagshæsti leikmaður Berlínarliðsins í leiknum.
Sigurinn var sá þriðji í röð hjá Martin og félögum í deildinni, en þeir eru nú í 5. sætinu með fjóra sigra og tvö töp.
