Hafnfirðingurinn Sindri Logason mun leika fyrir Cadete Autonómico team í Elx Basket akademíunni á komandi tímabili.
Sindri er 193 cm 15 ára gamall bakvörður og að upplagi úr Haukum, en hann hefur einnig verið í afreksúrtökum KKÍ á síðustu árum og leikið fyrir yngri landslið Íslands. Samkvæmt tilkynningu ELX basket tók Sindri þátt í xTime360 búðum þeirra í júní og var í kjölfarið boðinn samningur hjá félaginu.
ELX Basket Academy er körfuboltaakademía staðsett í borginni Elche nálægt suðurströnd Spánar. Hún einbeitir sér að þjálfun ungra leikmanna og tekur meðal annars þátt í alþjóðlegum mótum.
Hérna er hægt að fylgja akademíunni á Instagram
