„Föstudagskvöld verða körfuboltakvöld á Stöð 2 Sport í vetur“ – svo hljóðar ein fyrsta auglýsingin sem ætti að kynda rækilega undir körfuhundum fyrir komandi tímabil. Stöð 2 Sport spýtir heldur betur í lófana með Kjartan Atla Kjartansson við stýrið.
Bomburnar vantar heldur ekki honum til aðstoðar því þar verða þeir Fannar Ólafsson, Jón Halldór Eðvaldsson, Hermann Hauksson og Kristinn Geir Friðriksson betur þekktur sem „Kiddi Gun.“
Hér er um að ræða þátt sem lengi hefur verið beðið eftir svo ekki gleyma poppinu…nú eða Domino´s flatbökunni.
Auglýsingin:
(Af gefnu tilefni skal það tekið fram að þó yfirfyrirsögnin segi „Kjartan og kanónurnar“ er á engan hátt átt við að KJ-maðurinn sé ekki kanóna sjálfur, fjarri lagi. Vissara að taka það fram sé tekið mið af túlkunarhæfi alnetsins).
