Sú könnun sem í gangi er núna hér á Karfan.is sannar hið margkveðna, ef þú kastar til hendinni þá færðu þetta allt saman aftur í hausinn. Þetta á vel við núgildandi könnun en búið er að ráða bót á máli. Nú er spurt hver sé með bestu beinu netútsendingarnar og þar inni vantaði tvo augljósa valkosti, KFÍ TV og Þór Akureyri TV.
Nú er búið að leiðrétta þetta og bæta inn KFÍ TV og Þór Akureyri TV og viðkomandi beðnir afsökunar á þessari yfirsjón. Vissulega skekkir þetta myndina í könnuninni en okkur er sama, ef þið vitið um fleiri sem eru að sýna þá endilega sendið okkur ábendingu og við bara bætum við valkostum uns allir eru sáttir, eða eins sáttir og frekast getur orðið.
