Flottur sigur gegn Dönum

U20 ára landslið Íslands vann í dag öruggan 74-55 sigur á Dönum á Norðurlandamótinu í Finnlandi. Hressandi sigur eftir súrmetið gegn Svíum í gær.

Jón Axel Guðmundsson fór fyrir íslenska liðinu með 20 stig, 9 fráköst og 4 stoðsendingar og Dagur Kár Jónsson bætti við 18 stigum og tók 2 fráköst. Þá var Pétur Rúnar Birgisson með 12 stig og 7 fráköst. 

Með sigrinum í dag er Ísland komið á toppinn en öll lið hafa tvö stig fyrir lokakeppnisdaginn á morgun. Ísland stendur vel að vígi og getur tryggt sér Norðurlandameistaratitilinn með sigri gegn Finnum á morgun en þá þurfa Danir einnig að vinna Svía. Leikur Íslands og Finnlands hefst kl. 14:30 að staðartíma eða kl. 11:30 að íslenskum tíma.

Staðan á mótinu