Helgi Magnússon átti flottan leik með Uppsala Basket í sænsku úrvalsdeildinni í gærkvöldi þegar Uppsala lagði Jamtland Basket 85-81 í framlengdum leik. Helgi skoraði 14 stig í leiknum og lék í 36 mínútur. Eftir sigurinn í gærkvöldi er Uppsala í 3. sæti deildarinnar með 14 stig.
Auk þess að skora 14 stig í gær var Helgi með 9 fráköst, 5 stoðsendingar og 3 stolna bolta. Á laugardag verður svo Íslendingaslagur í Svíþjóð þegar Helgi tekur á móti Jakobi Erni og Hlyni Bæringssyni í Sundsvall Dragons.
Ljósmynd/ Uppsala Basket leiktíðina 2010-2011
