María Ben Erlingsdóttir og liðsfélagar hennar í bandaríska háskólaliðinu UTPA hafa fundið fjölina en liðið landaði fjórða sigurleiknum sínum í röð um helgina. Brösugt er vægt til orða tekið ef við skoðum fyrri hluta tímabilsins hjá UTPA sem unnu aðeins tvo leiki fyrir áramót.
UTPA mætti Chicago State á laugardag og höfðu betur 70-60. María var í byrjunarliði UTPA sem telfdi aðeins fram sex leikmönnum í leiknum. María lék allar 40 mínútur leiksins og skoraði 13 stig og tók 3 fráköst.
Næsti leikur UTPA er þann 28. janúar næstkomandi á heimavelli gegn North Dakota skólanum.
