Finnur Freyr Stefánsson þjálfari KR var að vonum sáttur með sigur sinna manna gegn Njarðvík í kvöld. KR hafði stóran og öruggan sigur en Finnur kvaðst með vel mannað lið í deild þar sem öllum getur verið skellt í gólfið ef þeir mæta ekki tilbúnir til leiks.
„Það var aldrei í stöðunni heldur að kveinka okkur þó einhverjir detti út vegna meiðsla,“ sagði Finnur m.a. við Karfan TV í kvöld.
