Nýjasti þáttur Aukasendingarinnar er kominn út, en hann er hægt að nálgast hér fyrir ofan, sem og á öllum hlaðvarpsveitum undir nafni Körfunnar.
Í þessum þætti Aukasendingarinnar er kafað djúpt í dramatíkina sem fylgdi oddaleikjum undanúrslitanna í Bónus deild karla. Mummi Jones og Jónfrí mæta í stúdíóið og fara yfir magnaðan sigur Tindastóls á Stjörnunni, ásamt því hvernig deildarmeistarar Grindavíkur lögðu Val að velli í oddaleik í HS Orku höllinni. Rýnt er í hvað fór úrskeiðis hjá tapliðunum, velt vöngum over framtíðarskipulagi Vals og Stjörnunnar eftir svekkjandi endalok og dregið fram það helsta sem gladdi augað í þessum ógleymanlegu seríum.
Hérna er Aukasendingin á Spotify
Leiðin að titlinum er síðan skoðuð í þaula fyrir komandi úrslitaeinvígi Tindastóls og Grindavíkur. Sérfræðingar þáttarins spá í spilin fyrir leikina sem fram undan eru, ræða hvaða lykilatriði munu ráða úrslitum og setja saman sameiginlegt „besta byrjunarlið“ beggja úrslitaliða sem væri nánast óstöðvandi. Að lokum fer Aukasendingin yfir þá þætti sem fólk vill sjá í baráttunni um sjálfan Íslandsmeistaratitilinn.
Hvað vill Aukasendingin sjá í úrslitaeinvíginu?
- Kane vs. Basile: Ég vil bara sjá einvígið inn í einvíginu. Fyrrum liðsfélagar og líklegt að Kane verði settur til höfuðs Basile. Verður það ekki sama að Basile verði settur til höfuðs Kane. Verður mjög spennandi.
- Tveir skólar af körfubolta: Við viljum fá að sjá tvo stíla í einvíginu. Einn leikur verður með lágu stigaskori, hundaslagur, og svo næsti sem er algjörlega óheftur sóknarleikur.
- Óli Óla fimm þrista frammistaða: Við bíðum bara. Náð tveimur 4/9 leikjum hingað til. Fimm þrista frammistaðan er að koma.
- Notkun rulluspilaranna: Áframhald á mikilvægu framlagi frá mönnum eins og Pétri Rúnari, Ragnörunum og Unnsteini. Þeir þurfa að koma inn á völlinn og hafa raunveruleg áhrif.
- Oddaleikur: Að sjálfsögðu viljum við sjá oddaleik um Íslandsmeistaratitilinn. Það yrði þá fimmta árið í röð sem við fáum oddaleik. Ekki viljum við að þetta hætti.
Virðingarvert tilkall: Engin rúst!
