Hlaðvarpsþátturinn Aukasendingin snýr nú aftur fullur af orku eftir gott sumarfrí, reynslunni ríkari og tilbúinn í komandi átök í körfuboltanum. Í þessari fyrstu útgáfu eftir pásuna er rætt um helstu tíðindi og vendingar síðustu vikna, en af mörgu er að taka eftir mánuð í rólegheitum. Rýnt er djúpt í félagaskiptagluggann þar sem farið er yfir leikmannaveltuna og hvernig innbyrðis staða liðanna hefur breyst.
Meginþungi þáttarins fer í ítarlega og snemmbúna spá fyrir Bónusdeild karla, þar sem rætt er um sérhvert lið og líklegt gengi þeirra á komandi tímabili. Strákarnir kveikja rækilega í fólki fyrir veturinn 2026/2027 og kynna djarfar skoðanir sem munu ábyggilega lífga upp á spjallið á kaffistofum landsins á næstu dögum. Hérna er hægt að hlusta á þáttinn.
Í þættinum fóru strákarnir sömuleiðis yfir fimm bestu samninga sumarsins til þessa:
- Dee Bost í Tindastól Þar er á ferðinni hin kunnuglega Grindavíkurleið, það er erlendur leikmaður með austur-evrópskt vegabréf og reynslu úr Euroleague með liðum á borð við Asvel og Zalgiris. Tony Parker hefur mælt sérstaklega með honum, hann hefur spilað með Monaco og Galatasaray, verið á mála hjá Portland og Utah í NBA og var á sínum tíma valinn íþróttamaður ársins í Norður-Karólínu.
- Frank Booker, Basile og Luka Gasic í Álftanes Þetta er alvöru úrslitakeppnistríó og maður myndi taka þá alla með sér í stríð. Booker þykir stærsti bitinn hér, einfaldlega vegna liðsbragsins og sigurhjartans. Hinir tveir eru miklir stigaskorarar; Basile getur alltaf sótt körfu og Gasic var með frábærar tölur í mjög framherjaþungu liði Stjörnunnar þar sem margir þurftu að skiptast á að skjóta. Hann á því nóg inni í öðruvísi liði þar sem hann fær stærra hlutverk og meiri ábyrgð.
- Linards Jaunzemis í KR Hann hefur varit jafnstöðugasti leikmaður deildarinnar undanfarin ár og það er mikið afrek hjá KR-ingum að ná að halda honum í Vesturbænum. Strákarnir elska allt við leikinn hans og ljóst er að honum líkar lífið vel í Vesturbænum.
- Martins Meiers í Sindra Hér er um að ræða alvöru miðherja sem er 2,08 metrar á hæð með glæsilegan feril að baki, enda með tuttugu stiga og tíu frákasta tímabil og flotta leiki með lettneska landsliðinu á ferilskránni. Þetta er svipuð uppskrift og ÍA reyndi í fyrra með því að setja skrímsli inn í teiginn, sem hefði átt að virka vel en þeir voru einfaldlega óheppnir með meiðsli og annað allt tímabilið.
- Baldur þjálfari í Álftanes Með honum fer klúbburinn beint á efstu hillu. Metnaðurinn er skýr, það á að vinna og smíða sigurvegaraumgjörð á Álftanesi og þessi maður veit nákvæmlega hvernig á að gera það. Upphaflega stóð ekki til að ráða þjálfara en forráðamenn neyddust hreinlega til þess þegar þetta tækifæri bauðst.
