Njarðvíkingurinn efnilegi Heimir Helgason hefur samið um að leika með UMass í bandaríska háskólaboltanum á næstu leiktíð.
Heimir er 18 ára gamall og hefur síðustu ár verið í Bandaríkjunum. Árið 2023 lék hann fyrir Asheville miðskólann í Norður Karólínu ríki, en hann fer til UMass frá DME Academy sem staðsett er í Flórída ríki Bandaríkjanna.
UMass er nokkuð stórt nafn í bandarískum háskólabolta, með ríka sögu og stór nöfn sem farið hafa þar í gegn. Líklega færri stærri heldur en Julius Erving og Marcus Camby, sem báðir voru á sínum tíma einir af bestu leikmönnum í heimi.
Skólinn sjálfur er staðsettur í borginni Amherst í Massachusetts ríki á austurströnd Bandaríkjanna, en þeir hafa í níu skipti komist í Marsfárið, lokamót háskólaboltans.
