Marsfárið er í fullum gangi og Kentucky háskólinn er kominn í 8-liða úrslit í miðvesturriðlinum eftir 56-49 sigur á Kansas State. Leikurinn hófst 1-0 fyrir Kentucky eftir að lygilegu regluverki hafði verið framfylgt. Í NCAA háskólaboltanum er nefninlega bannað að troða boltanum þegar 20 mínútur eða minna eru eftir af upphitun fyrir leik!
Brian Rohleder leikmaður Kansas gerði þau afdrifaríku mistök að troða í upphitun þegar 19.58 mín. voru í leik og fyrir vikið var dæmt tæknivíti. Liðið fékk dæmt á sig tæknivítið en ekki leikmaðurinn sjálfur sem spilar að jafnaði 2 mínútur eða svo í leik. Kentucky fór því á línuna fyrir uppkast og setti liðið niður eitt af tveimur vítum og hófust því leikar 1-0. Já það eru til reglur… og svo ó-reglur greinilega.
