Íslenska karlalandsliðið klifrar upp um eina tölu á nýjustu styrkleikaspá FIBA og skipar nú fertugasta og fjórða sætið.
Sætisskiptin má rekja til dýrmæts sigurs gegn breska landsliðinu á útivelli nýverið. Sá leikur tryggði Íslandi áframhaldandi þátttöku í undankeppni HM, auk þess sem íslenska liðið skaut sér upp fyrir það breska á töflunni. Bretar og Portúgalar koma nú næstir á eftir Íslendingum.
Verkefnið sem tekur við í næstu umferð verður einkar snúið, en mótherjarnir í næsta riðli eru allir í fremstu röð. Þar er um að ræða Serba, sem eru í þriðja sæti listans, Tyrki sem skipa ellefta sætið og Bosníumenn í því þrítugasta og þriðja.
Fimm efstu þjóðirnar á lista FIBA að þessu sinni eru Bandaríkin, Þýskaland, Serbía, Frakkland og Kanada.
