Gunnlaugur Briem er líkast til komin með ævilangan miða í Ljónagryfjuna eftir að hafa stjórnað aðgerðum og átt stóran þátt í því að Njarðvíkingurinn Friðrik Stefánsson sé á batavegi eftir að hafa hnigið niður í leik UMFN-b og Hauka-b í gærkvöldi.
Um miðbik fyrsta leikhluta bað Friðrik um skiptingu og var komin á bekkinn þegar hann allt í einu stóð upp og hneig svo strax niður. Gunnlaugur sem var leikmaður Hauka og lærður sjúkraþjálfari var snöggur til að áttaði sig fljótlega á alvarleika málsins. Hjartastuðtæki var sótt og Friðrik "stuðaður" í gang.
Friðrik liggur nú á landsspítalanum í rannsóknum og hljóðið í honum var nokkuð gott samkvæmt heimildum. Sem fyrr segir liggur ekki alveg ljóst fyrir hvað kom fyrir en Friðrik hefur áður átt í erfiðleikum með svokallað hjartaflökt.
Gunnlaugur var færður blómvöndur í þakklætisskyni fyrir leik UMFN og KR nú rétt í þessu.
Tengt efni: Fagmenn