Körfuboltaveisla síðustu vikna lýkur í dag er úrslitaleikir Eurobasket 2017 fara fram. Leikið verður um bronsverðlaun auk þess sem úrslitastundin sjálf fer fram.
Leikurinn um þriðja sætið fer fram kl 14:00 í dag á milli Spánar og Rússlands. Felstir bjuggust við að spánverjar yrðu evrópumeistarar en óvænt úrslit í undanúrslitum gegn Slóveníu komu í veg fyrir það. Spánn hefur eingöngu einu sinni misst af verðlaunasæti á Eurobasket frá 1997.
Úrslitaleikurinn sjálfur fer fram kl 18:45 að Íslenskum tíma. Þar mætast Slóvenía og Serbía en Slóvenía var með Íslandi í A-riðli mótsins. Hvorug þjóðin hefur nokkurn tímann orðið evrópumeistari nema undir nafni Júgóslavíu. Goran Dragic mun leika sinn síðasta landsleik fyrir Slóveníu og spurning hvort hann endi landsliðsferilinn á stóra titlinum.
Karfan.is setti af stað skoðanakönnun á Twitter um hvor þjóðin myndi verða Evrópumeistarar í ár og virðast körfuboltaáhugamenn vera heldur betur á báðum áttum enda mundar mjög litlu.
Hvort liðið sigrar #EuroBasket2017 ?#korfubolti
— Karfan.is (@Karfan_is) September 16, 2017
Leikir dagsins á Eurobasket:
Leikur um bronsverðlaun: Spánn – Rússland kl 14:00 – Í beinni á RÚV
Úrslitaleikur: Slóvenía – Serbía kl 18:30 – Í beinni á RÚV2
