Það var mikið talað um það fyrir leikinn að Tindastóll væri sýnd veiði fyrir KR en ekki gefin. Tindastóll sló KR út í bikarnum og þeir hafa því sýnt það í vetur að þeir geta unnið KR á góðum degi.
"Við erum búnir að fara vel yfir sóknarleikinn þeirra og við vorum búnir að plana að spila virkilega fast á þá og við gerðum það í dag. Við spiluðum hörku vörn, þeir náðu að hanga í okkur en í næsta leik þá bara pökkum við þeim saman".
Lykilmaður í liði KR og þeirra vítamínsprauta í sóknarleiknum, Joshua Brown spilaði ekki jafn mikið og venjulega þar sem hann fékk að hvíla sig með fjórar villur á bakinu í þriðja leikhluta. Það kom þó ekki að sök og KR sýndu styrk sinn og breidd.
"Við erum með þvílíkt djúpt lið og ég veit ekki hvaða helvítis kjaftæði þeir voru að tala um að við værum bara með 5 leikmenn sem gætu spilað. Það eru allir á bekknum sem geta spilað hjá okkur".
Það er því ljóst að KR ætlar að klára þessa seríu í næsta leik?
"Ekki spurning".
Mynd: [email protected]