Elvar Már Friðriksson leikur nú á sínu síðasta ári með Barry háskólanum í annari deild háskólaboltans í Bandaríkjunum. Á dögunum hlaut hann mikla viðurkenningu þegar hann var valin í úrvalslið suðurhluta bandríkjanna í deildinni.
Þetta er í annað sinn sem hann fær þessa viðurkenningu en hann var einnig valinn besti leikmaður Sólskinsdeildarinnar í Flórída á síðasta tímabili. Elvar er með 19,5 stig, 7,4 stoðsendingar, þrjú frákost og 1,5 stolin bolta að meðaltali í leik. Auk þess skýtur hann 49,4% utan af velli og þar af 41,1% í þriggja stiga skotum.
Auk þess hefur Elvar skorað tveggja stafa tölu í 23 af 26 leikum sínum á tímabilinu. Þá er hann með fimm þrefaldar tvennur á tímabilinu og skoraði mest 43 stig í leik gegn Tampa fyrr á tímabilinu. Elvar er fimmti stoðsendingahæsti leikmaður 2. deildar háskólaboltans.
Barry tryggði sig einmitt áfram í úrslitakeppni deildarinnar í gær og er komið í 16. liða úrslit. Þar mætir liðið Eckerd á morgun (þriðjudag).
FINAL: @BarryUMBB moving on to Sweet 16. #GoBarryBucs pic.twitter.com/FwrbzwJfKq
— BarryU Athletics (@GoBarryBucs) March 11, 2018
