Sigurður Gunnar Þorsteinsson skaut íslensku skyttunum ref fyrir rass í sænsku úrvalsdeildinni í kvöld þegar hann plantaði þremur langdrægum í fjórum tilraunum. Kappinn hnoðaði saman tvennu í 10 stiga sigri Solna gegn Umea í Solnahallen í kvöld. Öll Íslendingaliðin nældu sér í tvö stig og baráttan harðnar enn í sænsku deildinni þar sem sex efstu liðin eru með 28-26 stig.
„Ég var bara galopinn og lét vaða,“ svaraði Sigurður þegar Karfan.is náði í skottið á honum áðan. Hversu opinn varstu samt Siggi? Svona „vandræðalegt ef ég tek ekki skotið opinn eða?“ – „Nei nei, ekki alveg, samt meira svona „ekki skilja mig eftir svona opinn,“ svaraði Sigurður.
Aðspurður um stöðuna á Solna sem er í 7. sæti deildarinnar, 8 stigum á eftir Boras í 6. sætinu sagði Sigurður: „Það er slatti eftir af tímabilinu en til að blanda okkur í baráttuna með hinum sex toppliðunum sem öll eru jöfn þá þurfum við að fara að klára þessa jöfnu leiki, höfum tapað sjö svoleiðis leikjum í vetur.“
Og fyrir ykkur sem hafið gaman af viðurnefnunum og viðtölum þá er Siggi „Stardust“ Thorsteinsson í viðtali á Facebook-síðu Solna í kvöld.
Úrslit Íslendingaliðanna í sænsku í kvöld:
Solna 81-71 Umea BSKT
Sigurður Gunnar Þorsteinsson var stigahæstur í liði Solna með 21 stig, 10 fráköst og 4 stoðsendingar. Sigurður splæsti í 29 framlagsstig með þessari framgöngu sinni en kappinn var að finna sig, 5-8 í teignum og 3-4 í þristum.
LF Basket 94-77 KFUM Nassjö
Haukur Helgi Pálsson gerði 14 stig, tók 4 fráköst og gaf 4 stoðsendingar í liði LF. Stigahæstur í leiknum hjá LF var Alex Wesby með 23 stig.
Uppsala 77-79 Sundsvall Dragons
Jakob Örn Sigurðarson var stigahæstur í liði Sundsvall með 19 stig, 5 fráköst og 3 stoðsendingar. Hlynur Bæringsson bætti við 14 stigum, 9 fráköstum og 4 stoðsendingum. Ægir Þór Steinarsson náði ekki að skora á þeim rúmum 20 mínútum sem hann lék í leiknum en hann var með 4 fráköst og 2 stoðsendingar. Þá var Ragnar Nathanaelsson með 4 stig og 2 fráköst á tæpum 6 mínútm.
Staðan í sænsku úrvalsdeildinni
Grundserien
| Nr | Lag | M | V | F | P | PG/MP | PPM/MPPM | Hemma V/F | Borta V/F | Hemma PPM/MPPM | Borta PPM/MPPM | Senaste 5 | Senaste 10 | I rad | Hemma +/- i rad | Borta +/- i rad | JM |
|---|---|---|---|---|---|---|---|---|---|---|---|---|---|---|---|---|---|
| 1. | NOR | 20 | 14 | 6 | 28 | 1743/1617 | 87.2/80.9 | 7/3 | 7/3 | 87.2/80.0 | 87.1/81.7 | 4/1 | 6/4 | +1 | -1 | +4 | 3/0 |
| 2. | SÖD | 18 | 14 | 4 | 28 | 1508/1427 | 83.8/79.3 | 9/1 | 5/3 | 87.0/79.4 | 79.8/79.1 | 4/1 | 8/2 | +3 | +7 | -1 | 4/1 |
| 3. | UPP | 20 | 13 | 7 | 26 | 1750/1533 | 87.5/76.7 | 9/2 | 4/5 | 90.4/78.4 | 84.0/74.6 | 2/3 | 5/5 | -1 |
- Auglýsing -
 |
