10:56
{mosimage}
(Rob Hodgson og félagar í Val sækja Ármann/Þrótt heim í kvöld)
Einn leikur fer fram í 1. deild karla í kvöld þegar Ármann/Þróttur tekur á móti Val í Laugardalshöll kl. 20:30. Valsmenn hafa unnið tvo fyrstu leiki sína í mótinu en Ármann/Þróttur hefur unnið einn og tapað einum.
Valsmenn lögðu Hauka í fyrsta leik og svo Þór Þorlákshöfn í annarri umferð. Ármann/Þróttur tapaði stórt í fyrstu umferð gegn FSu en lönduðu naumum tveggja stiga sigri gegn KFÍ í annarri umferð 80-78.
Einn leikur fer fram í unglingaflokki í kvöld þegar FSu tekur á móti KR í Iðu kl. 19:15. Tveir leikir fara svo fram í A-riðli í drengjaflokki þegar Breiðablik tekur á móti Snæfell og Stjarnan tekur á móti Haukum. Leikur Blika og Snæfells hefst kl. 20:00 en leikur Stjörnunnar og Hauka hefst kl. 20:30.
