Hvað ætli leikmenn setji á fóninn rétt fyrir leik?
Við fengum leikmann Fjölnis, Egil Egilsson, til þess að ljóstra upp fyrir okkur hvaða lög það væru sem hlustað væri á til þess að koma sér í gírinn.
Fjölnir heimsækir ÍA í öðrum leik úrslitakeppni 1. deildarinnar kl. 19:15 í kvöld.
Egill:
Rage Against The Machine – Bulls on Parade
Ef þú peppast ekki við þetta lag þá þarftu að líta í eigin barm, fara í naflaskoðun, leggja höfuðið í bleyti og allt þar á milli.
Sigur Rós – Ágætis byrjun
Frábært lag í alla staði. Ekki skemmir fyrir að þetta er uppáhalds lag 3ja mánaða dóttur minnar.
The Prodigy – Firestarter
Þó svo að eiturlyf hafa spilað stóra rullu þegar lagið var samið þá eru eiturlyf algjörlega óþörf til þess að fíla lagið.
FM Belfast – Par Avion
Ef þú þjáist af skorti á almennu lífspeppi þá er FM Belfast gott meðal.
Pearl Jam – Garden
Góður lagalisti verður að stórkostlegum lagalista með lagi frá Pearl Jam.
Alice in Chains – Rooster
Ég og Daði Berg Grétarsson höfðum þetta alltaf síðasta lagið í bílferðinni milli Reykjavíkur og Borgarness á síðasta tímabili. Ég get reyndar ekki tengt þetta lag við góðan árangur inni á vellinum þar sem sigrarnir voru í færra lagi í fyrra, frábært lag engu að síður.
Sturluð staðreynd: Þegar Layne Staley (söngvari Alice in Chains) lést vó hann einungis 40 kg.
Pálmi Gunnarsson – Þorparinn
3 mínútur í leik í íþróttahúsinu í Stykkishólmi og Símon Hjaltalín, besti íþróttahúss-DJ landsins, setur Þorparann í gang, nú eiga allir að vera klárir!
Klíkan – Fjólublátt ljós við barinn
Hjalti Kristinsson, frændi minn til margra ára, benti mér á þetta lag en þrátt fyrir að hann sé með vonlausan tónlistarsmekk þá er þetta lag algjört gull. Fjólublátt ljós við barinn lagar allt!
