08:26:04
Dwight Howard, miðherji Orlando Magic, skyggði í gær á kvöldið hjá Dwayne Wade, sem skoraði 42 stig, og Alonzo Mourning, sem fékk treyjuna sína hengda upp í rjáfur á heimavelli Miami Heat. Howard leiddi sína menn til sigurs í þessum grannaslag og varð um leið yngsti maðurinn til að taka 5000 fráköst á NBA-ferlinum og sló þar við sjálfum Wilt Chamberlain, sem á metið yfir flest fráköst á ferlinum.
Þetta var 12 sigur Orlando í síðustu 13 viðureignum liðanna og hefur Howard náð tvöfaldri tvennu í síðustu 12. Leikurinn í gær var gríðarlega spennandi og jafn allt til loka. Í fyrri hálfleik byrjaði Miami betur, en hleypti Orlando svo framúr áður en þeir jöfnuðu fyrir hálfleik. Á síðustu mínútunum ætlaði svo allt um koll að keyra þar sem liðin skiptust á forystunni sjö sinnum óg voru jöfn fjórum sínnum á síðustu sex mínútunum, en Howard og bakvörðurinn JJ Reddick kláruðu leikinn þrátt fyrir hetjudáðir Wades fyrir Heat. Lokatölur voru 101-95.
Orlando er því enn með örlítið forskot á Boston í keppninni um annað sætið í Austurdeildinni, en Miami er enn í ágætis málum í fimmta sætinu.
Hér eru úrslit næturinnar:
Milwaukee 107
New Jersey 78
Orlando 101
Miami 95
New York 104
Utah 112
Memphis 114
Golden State 109
ÞJ
