KR hefur samkvæmt frétt vefmiðilsins MBL gengið frá tveggja ára samning við bakvörðinn Mike Di Nunno. Er leikmaðurinn bandarískur, en einnig með ítalskt vegabréf, svo að hann leikur sem evrópskur í Dominos deildinni.
Di Nunno var hluti af Íslandsmeistaraliði KR á þar síðasta tímabili, 2018-19, en þá setti hann 16 stig og gaf 4 stoðsendingar að meðaltali í 21 leik fyrir félagið.
Eftir að hafa orðið Íslandsmeistari fór Di Nunno í aðra deild á Spáni, þar sem hann lék fyrir Leyma Coruna, en hann hafði snemma á þessu ári samið á nýjan leik við KR. Ekkert var þó af því að hann léki fyrir félagið á þessu tímabili, þar sem því var aflýst vegna Covid-19.
