KR komst í kvöld í úrslit Lengjubikarsins en í viðureign þeirra röndóttu í kvöld gegn Grindavík leit á kafla út fyrir gulan sigur en Darri Hilmarsson, yfirvinnumeistari í körfubolta, kom KR þá á sporið með klassísku Darra framlagi.
Grindavík leiddi 66-65 þegar skammt var til leiksloka en KR hélt þá í sókn, Darri átti stökkskot í teignum sem geigaði og hvað er þá til ráða í huga svona manna…nú auðvitað ná í bölvað frákastið sem hann og gerði. KR komst í 66-67 og hélt forystunni til leiksloka þar sem lokatölur urðu 70-76 KR í vil.
Ljósmynd/ [email protected]
