Íslenska kvennalandsliðið mun mæta Spáni kl. 19:45 í kvöld að íslenskum tíma í lokaleik sínum í undankeppni EuroBasket 2023. Fyrir leikinn er Spánn í efsta sæti riðilsins með fimm sigra í jafn mörgum leikjum á meðan að Ísland er í þriðja sætinu með einn sigur og fjögur töp.
Karfan spjallaði við Dagbjörtu Dögg Karlsdóttur leikmann liðsins eftir æfingu í gær um ferðalagið heim frá Ungverjalandi, leikinn gegn Spáni og hvernig það er að spila í Laugardalshöllinni.
Miðasala er hafin á leikinn gegn Spáni á morgun og fer fram í gegnum smáforritið Stubb.
Umfjöllun Körfunnar um íslensku landsliðin er kostuð af Lykil
