ÍR-ingar hafa samið við Bandaríkjamanninn Chris Gradnigo um að spila með liðinu á komandi leiktíð. Chris er 200 cm framherji frá Coastal Carolina háskólanum í Suður Karolínu. Á lokaári sínu þar skoraði hann 15 stig og tók 6 fráköst. Chris kom til landsins um síðustu helgi og verður því klár fyrir fyrsta leik í deildinni.
“Chris er góður alhliða sóknarmaður sem við bindum miklar vonir við,” sagði Bjarni Magnússon, þjálfari ÍR í samtali við Karfan.is.
