Bulls lágu í Madison Square Garden

Níu leikir fóru fram í NBA deildinni í nótt. Chicago Bulls heimsóttu New York Knicks í Madison Square Garden þar sem lokatölur reyndust 83-78 New York í vil. Carmelo Anthony fór fyrir Knicks með 30 stig og 10 fráköst en hjá Bulls var Mike Dunleavy með 20 stig og 8 fráköst.

 

 

Butler, Deng og James voru ekki með í liði Bulls og hjá Knicks vantaði Aldrich, Felton, Murry og Friðinn.

 

Þá fór Doc Rivers með Clippers til Boston og var það fyrsti leikur kappans á gamla heimavellinum og gamli seigur tók auðvitað sigur þar enda lið af austurströndinni ekki þung máltíð á hlaðborði vesturstrandaliða þessi dægrin.

 

Stephen Curry kláraði svo Dallas 95-93 í nótt með flautukörfu.