13:17
{mosimage}
(Brynjar Þór á sínum tíma með KR)
Ferðin var ekki til fjár hjá Brynjari Björnssyni og félögum í bandaríska háskólaliðinu Francis Marion þegar liðið tók þátt á Amsterdam-Haarlem Basketball Week mótinu í Hollandi yfir hátíðarnar. Francis Marion tapaði öllum fjórum leikjum sínum á mótinu en Brynjar Þór var í einum leiknum valinn í byrjunarlið Francis Marion.
Brynjar skoraði mest 8 stig í leik gegn Ísrael og þá var hann einmitt í byrjunarliðinu.
Árangur Brynjars með Francis Marion í Hollandi:
Francis Marion 52-73 EclipseJes
Brynjar var ekki í byrjunarliðinu. Gerði 2 stig og tók 2 fráköst á rúmum 16 mínútum.
Francis Marion 53-66 Astana Tigers
Brynjar var ekki í byrjunarliðinu. Gerði 3 stig og var með 3 stoðsendingar á rúmum 20 mínútum.
Francis Marion 72-104 Ísrael
Brynjar var í byrjunarliðinu og gerði 8 stig. Brynjar stal einnig 2 boltum í leiknum, tók 3 fráköst og gaf eina stoðsendingu.
Francis Marion 60-92 Capitanes de Arecibo
Brynjar var ekki í byrjunarliðinu. Gerði 6 stig í leiknum á rúmum 19 mínútum. Hann tók einnig 3 fráköst og gaf 2 stoðsendingar.
Næsti leikur Francis Marion í háskólaboltanum er á morgun gegn Ga. Southwestern.
