Haukakonan Bryndís Hanna Hreinsdóttir ætlar að söðla um þetta sumarið og segja skilið við Hauka og leika með Stjörnunni í 1. deild kvenna á næstu leiktíð. Bryndís hefur síðustu fimm tímabil verið á mála hjá Haukum en færir sig nú yfir í nágrannasveitarfélagið.
,,Mig langaði að breyta til og prufa eitthvað nýtt eftir að hafa spilað með Haukum síðustu fimm tímabil. Mér líst vel á allt hjá Stjörnunni þar sem ég þekki aðeins til þar og er bara spennt að hefja næstu leiktíð með Stjörnunni,“ sagði Bryndís sem lék 17 leiki með Haukum á síðasta tímabili og gerði þar 2,7 stig að meðaltali í leik.
