23:14
{mosimage}
Boston Celtics og Los Angeles Lakers mætast í 6. skiptið í kvöld og sigri Boston geta þeir fagnað 17 NBA titlinum og þeim fyrsta í 22 ár.
Boston leiðir 3-2 og eru nú komnir aftir til Boston og góðu fréttirnar fyrir Boston aðhangendur eru að liðið er 48-7 í heimaleikjum og þá eru leikirnir í úrslitakeppninni taldir með
Slæmu fréttirnar eru að Bostonliðið er gjörsamlega á annarri löppinni í átt að endalínunni. Þeir hafa spilað 107 leiki á þessu tímabili, undirbúningsleikir ekki taldir með, og af þeim völdum eru menn tæpir.
Kendrick Perkins og Rajon Rondo eru meiddir og óvíst hvort þeir verðir með í nótt, þeirra besti leikmaður Paul Pierce meiddist á hné í fyrsta leik og óvíst hversu alvarlegt það kemur til með að vera, Ray Allen á við fjölskylderfiðleika að etja (sonur Allen var lagður inn á sjúkrahús í Los Angeles í fyrrakvöld), og Kevin Garnett var eins og skugginn af sjálfum sér í fimmta leiknum og spurning hvort hann sé hreinlega orðinn þreyttur.
En Los Angeles hefur ekkert verið að gera einhverjar gloríur. Þeir rétt unnu leik þrjú þrátt fyrir að Boston hafi verið arfa slakt, þeir rétt slefuðu í sigur í leik 5 þrátt fyrir að Paul Pierce hafi verið eini leikmaður Boston til að vera með rænu og spurning hverjir leikmanna Lakers komi til með að mæta með réttu ráði til Boston eftir langt og strangt ferðalag.
Það er ljóst að þetta verður hörkuleikur milli tveggja „sveiflukenndra” liða sem enginn má láta fram hjá sér fara og þá er bara spurningin, kemur heimavöllur Boston Celtics til að gera útslagið?
