14:00
{mosimage}
(Sturla er veiðimaður góður en er hann viðlíka spámaður?)
Þá er það Sturla Örlygsson sem leyfir okkur að lesa hvað hann sér í spilunum. Sturla hefur oft prófað þetta, fór t.d. í bikarúrslit með ÍR gegn Njarðvík á sínum tíma. Nú fer Teitur bróðir hans sem „underdog“ í bikarúrslit líka og Sturla gerði með ÍR á sínum tíma. Þá má geta þessa að dóttir Sturlu, Margrét Kara, leikur með KR liðinu og hefur leikið með Keflavík.
Sjáum hvað Sturla hefur að segja:
Keflavík – KR
Mikið gaman að sjá þessi lið eigast við, þarna er rjóminn af íslenskum leikmönnum í deildinni í dag. Keflavík býr yfir mikilli reynslu í úrslitaleikjum, núverandi Íslandsmeistarar og hafa verið að spila mjög vel undanfarið. KR liðið hefur einnig aldeilis verið að spila vel og skín af liðinu mikil samheldni og hugur. Ef Birna og Pálina verða í stuði hjá Keflavík, þá erfitt fyrir KR. KR hefur meiri breidd og ef varnarleikur liðsins er í lagi, þá spái ég KR sigri.
KR – Stjarnan
KR liðið er gríðarlega vel mannað lið, hef séð nokkra leiki með þeim í vetur þar sem þeir hafa gjörsigrað andstæðinginn. Stjarnan unnið marga leiki undanfarið og mikil stemning á bænum þar. Þessi lið áttust við fyrr í vetur í deildinni og var um hörkuleik að ræða þar. Báðir þjálfarar miklir reynsluboltar sem vita nákvæmlega hvað þarf til, Teitur er að fara að ég held í 11. eða 12. skipti í Höllina sem leikmaður eða þjálfari, sem er í raun ótrúlegt.
Mynd:
