20:30
{mosimage}
(Jón og félagar eru komnir í undanúrslit á Ítalíu)
Jón Arnór Stefánsson er kominn áfram í undanúrslit ítölsku deildarinnar með liði sínu Benetton Treviso eftir 78-72 sigur á La Fortezza Bologna í oddaleik liðanna í 8-liða úrslitum. Leikurinn fór fram á heimavelli Benetton þar sem Jón Arnór setti niður 5 stig.
Jón Arnór lék í 19 mínútur í leiknum og gerði 5 stig og tók 4 fráköst. Allir sigurleikirnir í einvíginu voru því á heimavelli. Næsta umferð verður allsvakaleg fyrir Benetton en þá mæta þeir toppliði Montepaschi Siena sem höfðu yfirburðasigur í deildarkeppninni með alls 58 stig eða 18 stigum á undan Lottomatica Roma í 2. sætinu sem duttu óvænt út í 8-liða úrslitum.
Undanúrslitin hefjast svo 29. maí og 30. maí en í hinni undanúrslitaviðureigninni eigast við Angelico Biella og Armani Milano.
