Hérna kemur bein textalýsing frá leik Íslands og Svíþjóðar í U16 ára kvenna. Íslenska U16 lið kvenna er eina Íslenska liðið sem er ósigrað á mótinu og því mikið í húfi. Þær mæta núna hinu ósigraða liðinu í riðlinum þar sem Svíar hafa einnig unnið alla sína leiki hingað til. Það má því segja að leikruinn sé úrslitaleikur í þessum aldursflokki kvenna.
Það er ennþá fagnað hérna á hliðarlínunni þar sem stelpurnar teygja á meðan U18 lið kvenna hitar upp fyrir sinn leik sem hefst etir 20 mínútur.
Íslenska liðið fagnar vel í leikslok, enda fyrsta kvennaliðið í 10 ár til þess að koma heim með þennan titil !
Viðtal við Bríet Lilju eftir sigurinn
– Stigahæst í leiknum í dag var Sylvía Rún Hálfdanadóttir með 17 stig og 16 fráköst, næstar á blað voru Linda Þórdís Róbertsdóttir með 8 stig og Thelma Dís Ágústdóttir með 6 stig.
Fjórði leikhluti
– Leik lokið, Ísland er norðurlandameistari í U16 kvenna ! Til hamingju stelpur !!! 52-37
– Ein mínúta eftir og það munar 19 stigum á liðunum. Það má sjá að sigurgleðin er farin að brjótast út í stelpunum og stúkunni.
– 50 -33 – Thelma Dís kemur forskotinu upp í 17 stig og rúmlega tvær mínútur eftir. Það stefnir allt í að Íslenska liðið fagni Norðurlandameistaratitli hérna á eftir.
– Stuðningurinn úr stúkunni er líklega sá besti hingað til á mótinu, það er góð stemming í húsinu og það má búast við góðum fagnaðarlátum ef stelpunum tekst að vinna hérna í dag
– Thelma Dís skorar fyrir Ísland í næstu sókn og Íslenski leikurinn er kominn aftur í gang. 48-33
– Bríet Lilja fékk grimmt högg í vörninni í seinustu sókn, hún sýnir það í verki að það er margt í hana spunnið því hún keyrir á körfuna í næstu sókn og setur boltan niður, 46-33.
– Þær Sænsku pressa stíft þessa stundina, stela boltanum og minnka muninn í 13 stig, 44-31. Jón tekur leikhlé fyrir Íslenska liðið þegar rúmar fimm mínútur eru til leiksloka
– Sænska liðið tekur leikhlé, 44-29 og sjö mínútur eftir.
– Emelía Ósk skorar svo fyrstu stig Íslands í leikhlutanum á hinum endanum, 44-27
– Sylvía með block leiksins, ver boltan beint niður og sókn Svía rennur út í sandinn þegar leikklukkan gellur. Góð vörn hjá Íslenska liðinu
– Ísland byrjar með boltan í fjórða leikhluta
Þriðji leikhluti
– Lokatilraun Svía klikkaði og því munar 15 stigum á liðunum þegar einn leikhuti er etir, 42-27.
– 24 sekúndur eftir af þriðja leikhluta og svíar með boltan, 42-27
– Allta sama vesenið þegar boltinn festist á milli hrings og spjalds, í þetta skiptið þurfti dómarinn þrjár tilraunir til að ná boltanum niður.
– 42-27. Íslenska liðið róterar mikið þessa stundina og allar stelpurnar hafa komið við sögu í leiknum.
– Linda Þórdís afsannar orð mín um að sænska vörnin reynist erfið, hún fékk boltan undir körfunni,snéri og lagði boltan ofaní eins og ekkert væri auðveldara, 40-25.
– Sænska vörnin er að reynast Íslandi ansi erfið þessa stundina, en Bríet Lilja fann þó leið og kemur Íslandi í 16 stiga forskot, 36-20.
– Svíum tókst ekki að skora fyrstu fjórar mínúturnar í fjórða leikhluta, en þegar þær fundu glufuna þá komu 4 stig á örstuttum tíma, 34-20
– Ísland stelur boltanum og skilar honum beint ofaní körfuna, 34-16 og Svíþjóð tekur leikhlé
– Inga Rún á næstu köfru Íslands, fær snertinguna og er þess vegna send á línuna í þokkabót en vítið klikkar, 32-16
– Á meðan skorar Sylvía fyrstu stig Íslands í seinni hálfleik, 30-16
– Elfa haltrar útaf og stúkan klappar fyrir henni.
– Elfa liggur meidd á vellinum, hún var keyrð niður þegar hún ber boltan upp og Thelma sjúkraþjálfari og Erlingur fararstjóri sinna henni á hliðarlínunni. Vonandi ekkert alvarlegt
– Byrjunarlið Íslands í seinni hálfleik er Elfa, Inga Rún, Sylvía, Thelma Dís og Emelía Ósk
– Nu fer að styttast í að seinni hálfleikur detti í gang. Sendið stelpunum góða straum
Emelía Ósk Gunnarsdóttir
Stigahæst í fyrri hálfleik er Sylvía Rún Hálfdanardóttir með 9 stig og 6 fráköst, næstar á blað eru Inga Rún Svansdóttir með 7 stig og Linda Þórdís með 4 stig.
Stelpurnar eru að spila mjög flottan leik, þær eru að taka fleiri fráköst en svíar, með 9 stolna bolta og 11 tapaða boltan, en það er mun betra en í leiknum í gær.
Annar leikhluti
– Gunnhildur Bára átti seinasta skot fyrri hálfleiks sem geigaði, 28-16 í hálfleik.
– Inga rún er svo sannarlega mætt, hún endurtekur leikinn strax í næstu sókn og fékk víti að auki. 28-16 og 16 sekúndur eftir af fyrri hálfleik
– Leikhlé ísland, Stelpurnar mæta tilbúnar út úr leikhléi og Inga Rún setur tvö stig, 25-16
– Björk Gunnarsdóttir setur þrist og stúkan stendur á fætur, 23-16
– Sylvía skorar fyrir Ísland eftir nokkra bið, 20-16.
– Enn minnka Svíarnir muninn, 18-16. Nú reynir á Íslensku stelpurnar að standast áhlaupið
– Sænska liðið er eitthvað að vakna, þær skora 6 stig í röð og Jón tekur leikhlé fyrir Ísland, 18-13.
– Svíar skora sín fyrstu stig í öðrum leikhuta, 18-9 og fjórar mínútur liðnar
– Elfa keyrir upp völlinn og þræðir nálina þvílíkt undir körfuna á Elínu Sóleyu sem þakkar pent fyrir sig og leggur sniðskotið niður, 18-7
– Emelía Ósk skorar fyrsta stig Íslands í öðrum leikhluta af vítalínunni, 16-7.
Fyrsti leikhluti
– Linda Þórdís skorar seinustu stig fyrsta leikhluta rétt áður en flautan gall, 15-7. Það var Elfa sem átti sendinguna á Lindu.
– Sylvía Rún bætir enn í, hún keyrir á körfuna og fær víti að auki. Hún er komin með 7 stig og Ísland leiðir 13-4 eftir sjö mínútur.
– Það er rúmlega hálf full höll og góð stemming í húsinu. Það virðist leggjast vel í Íslenska liðið sem hefur skorað 10 stig gegn 2 stigum Svía á rúmum sex mínútum.
– Það hlaut að koma að því, Svíar finna glufu á Íslensku vörninni og skora sín fyrstu stig
– Thelma Dís setur næstu tvö stig af vítalínunni og Ísland leiðir 8-0 eftir rúmlega fjórar mínútur af leik. Virkilega vel gert
– Sylvía stelur boltanum og er lang fyrst fram, 6-0 og Sylvía með öll stigin leiksins hingað til
– Íslensku stelpurnar tóku vel undir í þjóðsöng vorum fyrir leik. Video-ið hérna fyrir neðan sýnir það og sannar
– Sylvía er aftur að verki þegar Ísland skorar sín næstu stig, hún hirðir frákastið frá skoti Ingu Rúnar og setur það niður. Svíþjóð tekur leikhlé, 4-0
– Sylvía setur fyrstu tvö stig leiksins eftir tvær mínútur af leik, Stuðningsmenn Íslands láta vel í sér heyra úr stúkunni
– Byrjunarlið Íslands er Björk, Sylvía, Thelma Dís, Inga Rún og Emelía Ósk
Fyrir leik
– Nú verða þjóðsöngvar leiknir, fjórir söngvar að vanda
– Íslenska liðið fór í sama göngutúr og í gær og lagði sig fyrir leik alveg eins og í gær. Liðið ætlar að endurtaka leikinn frá því í gær og sagan segir að það sé mikill andi í liðinu. Áfram Ísland !!
