Jón Arnór Stefánsson og liðsfélagar hans í CB Granada létu topplið Barcelona hafa fyrir hlutunum í spænsku úrvalsdeildinni um helgina. Granada mætti þá í Palau Blaugrana og lá 79-72 frammi fyrir tæplega 5500 manns.
Jón Arnór var ekki í byrjunarliðinu en skoraði 5 stig á þeim rúmum 22 mínútum sem hann lék í leiknum og þá var hann einnig með 3 stoðsendingar og 3 fráköst. Stigahæstur í liði Granada í leiknum var Jimmie Hunter með 17 stig en hjá Barcelona var Pete Mickeal með 23 stig.
Granada er í 13. sæti deildarinnar með 10 sigra og 15 tapleiki.
