Baráttan um úrslitakeppnina í algleymingi

Í kvöld lýkur 25. umferð í Domino´s-deild kvenna með þremur leikjum og það sem eftir lifir deildarkeppninnar er aðeins ein barátta eftir og það er slagurinn um síðasta sætið í sjálfri úrslitakeppninni! Fyrir leiki kvöldsins er það Stjarnan sem hefur bestu stöðuna en það er ekkert í hendi enn! Haukar tryggðu sér deildarmeistaratitilinn í gær með spennusigri á Val.

Stjarnan mætir Keflavík í TM-Höllinni í kvöld og þá mætast Breiðablik og Skallagrímur í Smáranum. Snæfell og Njarðvík eigast við í Stykkishólmi en fyrir leikinn í kvöld er ljóst að Snæfell nær ekki inn í úrslitakeppnina og Njarðvík er fallið og enn án stiga á botni deildarinnar.

Leikir kvöldsins í Domino´s-deild kvenna, 19:15

Keflavík – Stjarnan
Snæfell – Njarðvík
Breiðablik – Skallagrímur