Baldur Þór Ragnarsson og ungmennalið Ulm urðu í dag EuroLeague ANGT Dubaí meistarar eftir sigur gegn Zalgiris í úrslitaleik, 89-84. EuroLeague heldur ANGT mótin víðsvegar um Evrópu þar sem lið keppast um að komast áfram og var þetta lokamót haldið í Sameinuðu arabísku furstadæmunum í ár.
![](https://www.karfan.is/wp-content/uploads/2024/03/43d17b6a-1cda-4d4c-9100-25fbbddc33d7-768x1024.jpeg)
Besti leikmaður mótsins var 18 ára franskur leikmaður Ulm Noa Essengue, en talið er að hann verði valinn í NBA deildina með einhverjum af fyrstu valréttum nýliðavalsins á næsta ári, 2025.
Með sigri í mótinu hafa Baldur og Ulm tryggt sér þátttöku í undanúrslitum lokakeppninnar, sem haldin er samhliða fjögurra liða úrslitum EuroLeague 24.-26. maí næstkomandi í Berlín, en ekkert þýskt lið hefur áður náð þessum árangri.
![](https://www.karfan.is/wp-content/uploads/2024/03/d631f5a0-1fbe-423f-ab8f-54188bdbb4bd-819x1024.jpeg)