Njarðvík samdi í dag við efnilegan framherja sem kemur frá Akureyri og leikur með liðinu á komandi leiktíð.
Baldur Örn Jóhannesson samdi til tveggja ára við Njarðvík en hann lék 13 mínútur að meðaltali í leik með Þór Ak í Dominos deildinni á síðustu leiktíð.
Á heimasíðu Njarðvíkur segir: Baldur Örn á að baki unglingalandsleiki og var sterkur hlekkur í mjög sigursælum 2001 árgangi þeirra Þórsara. Kappinn flytur í Njarðvík í ágúst og tekur slaginn með bæði meistara- og unglingaflokki félagsins.
