Nýr þáttur af Aukasendingunni er mættur í loftið eftir fjöruga opnunarumferð í Bónusdeild karla. Mummi Jones og Óli Dós mæta að þessu sinni til leiks og rýna í allt það helsta úr fyrstu leikjum tímabilsins ásamt Davíð Eldi.
Farið er yfir tíu atriði sem fyrsta umferðin kenndi okkur og velt upp spurningum um stöðu mála í deildinni: hversu slök var Stjarnan á sínum fyrsta leikdegi, geta Keflvíkingar í raun orðið virkilega góðir í vetur og eru Njarðvíkingar í vandræðum?
Þá er rætt um atvinnumannamál og byrjunarerfiðleika hjá bæði KR og Grindavík, auk þess sem rýnt er í fimm liða fallpakkann á botninum. Á hinum endanum er farið yfir flotta frammistöðu Vals og stórleik leikmanna eins og Atla Freys. Einnig taka félagarnir fyrir bestu íþróttahús og hallir landsins, svara spurningum frá hlustendum og fara yfir ýmislegt fleira.
Þáttinn má hlusta á í spilaranum hér að ofan ásamt því að vera aðgengilegur undir nafninu Karfan á öllum hlaðvarpsveitum.
Samstarfsaðilar Körfunnar eru Bónus, Wodbúð körfubolti, Tactica, Lengjan, Kristall og Lykill.
