Tryggvi Snær Hlinason og Bilbao máttu þola 5 stiga tap gegn stórliði Barcelona í ACB deildinni á Spáni í dag, 66-71.
Tryggvi lék tæpar 19 mínútur í leiknum og skilaði á þeim 7 stigum, 6 fráköstum, 2 stoðsendingum og vörðu skoti, en hann var næst framlagshæstur í liði Bilbao í leiknum.
Eftir leikinn eru Tryggvi Snær og félagar í 10. sæti deildarinnar með fimm deildarsigra það sem af er tímabili.
