Ástrós Lena Ægisdóttir og Þóra Kristín Jónsdóttir unnu í dag sinn fyrsta deildarleik með AKS Falcon gegn Aabyhoj í efstu deildinni í Danmörku, Dameligaen, 67-49.
![](https://www.karfan.is/wp-content/uploads/2021/09/242975792_179792280961749_5092628421063824686_n-1024x1024.jpeg)
Báðar voru þær í byrjunarliði AKS í leik dagsins, en á tæpum 24 mínútum spiluðum skilaði Ástrós Lena 7 stigum, 2 fráköstum og stoðsendingu á meðan að Þóra Kristín var með 8 stig, 6 fráköst og 7 stoðsendingar.
Næsti leikur AKS í deildinni er þann 2. október gegn Hørsholm 79ers.