14:29
{mosimage}
Fræg eru orðin slagsmálin sem áttu sér stað í NBA deildinni 2004 þegar Ron Artest lék með Indiana. Leikmenn Pistons og Pacers slógust þá sín á milli og áhorfendur létu einnig að sér kveða í handalögmálunum. Ron Artest var dæmdur í eitt lengsta leikbann sem fallið hefur í NBA deildinni og við tóku myrkir tímar á leikferli hans. Artest er nú kominn á fullt skrið að nýju með Sacramento Kings en þeir mæta einmitt Detroit Pistons á heimavelli Pistons í kvöld. Þetta er fyrsti leikur Artest á heimavelli Pistons síðan hann fleygði þar ófáum hnefasamlokum 2004.
,,Ég hef ekki leikið þarna í langan tíma og ég veit að þetta verður skemmtilegt umhverfi,” segir Artest og bætir við að svona hlutir gerist bara einu sinni og vísar þá í þessi frægur handalögmál. ,,Ég fæ ekki séð að ég taki þátt í svona uppákomu aftur,” segir Artest sem hlakkar mikið til leiksins í kvöld. Artest hefur leikið 30 leiki með Kings á þessari leiktíð og gert í þeim 16,6 stig að meðaltali í leik og tekið í þeim 6,3 fráköst að meðaltali í leik.
Aðrir leikir kvöldsins:
Grizzlies-LA Clippers
Hawks-Bobcats
Knicks-Pacers
Celtics-Wizards
Magic-Nets
LA Lakers-Hornets
Jazz-Bulls
Nuggets-Rockets
Cavaliers-Warriors