13:28
{mosimage}
(Carlos Arroyo)
Enn berast þau tíðindi að NBA leikmenn segja skilið við deildina og halda yfir Atlantshafið. Sá nýjasti í þessum burtfararhópi NBA deildarinnar er leikmaðurinn Carlos Arroyo en hann hefur samið við ísraelska stórliðið Maccabi Tel-Aviv. Arroyo er áttundi leikmaðurinn sem fer austur um haf á vit nýrra ævintýra.
Samkvæmt heimildum frá Ísrael mun Arroyo fá 2,5 milljónir Bandaríkjadala í sinn hlut fyrir næstu leiktíð en hann er með klásúlu í samningi sínum þess efnis að hann geti eftir hverja leiktíð snúið aftur í NBA deildina frá ísraelsku risunum. Arroyo fer frá Orlando Magic til Ísraels en hann lék mjög takmarkað hlutverk í liði Orlando á síðasta tímabili.
Carlos Arroyo er 29 ára gamall og gerði að jafnaði 6,9 stig í leik fyrir Magic í fyrra og gaf 3,5 stoðsendingar í 62 leikjum. Hann lék aðeins í fjórum af tíu leikjum Orlando í úrslitakeppninni og af þeim sökum ákvað hann að skipta til Maccabi Tel-Aviv.
Leikmenn sem hafa kvatt NBA deildina undanfarið:
Josh Childress til Grikklands
Nenad Krstic til Rússlands
Bostjan Nachbar til Rússlands
Carlos Delfino til Rússlands
Primo Brezec til Ítalíu
Juan Carlos Navarro til Spánar
Jorge Garbajosa til Rússlands
Ungstirnið Brandon Jennings til Ítalíu
Carols Arroyo til Ísraels
