Arnþór Freyr Guðmundsson og félagar í Albacete máttu um helgina sætta sig við nauman ósigur gegn Real Madrid í EBA deildinni á Spáni. EBA er fjórða efsta deildin á Spáni og um eiginlegt B-lið Real Madrid að ræða sem Albacete mætti um helgina. Lokatölur 79-81.
Arnþór Freyr var stigahæstur hjá Albacete með 16 stig og 3 fráköst. Albacete er í 8. sæti EBA deildarinnar um þessar mundir með 5 sigra og 2 tapleiki en það er ekki langt í toppinn því þrjú lið eru efst og jöfn með 6 sigra og 2 tapleiki.
Mynd/ Masquealba.com – Arnþór í leiknum gegn Real Madrid um síðustu helgi.
