16:10
{mosimage}
(Næsti leikur verður ekkert mál hjá Árna og félögum)
Árni Ragnarsson var öflugur í liði FSu í gærdag en hann skoraði 16 stig, tók 10 fráköst og gaf 7 stoðsendingar. Hann var sigurreifur eftir leik þegar Karfan.is talaði við hann enda var lið hans að vinna góðan sigur á Hafnfirðingum.
FSu spilaði allan leikinn á háu tempói og Árni sagði að sú góða hvíld sem liðið fékk um jólin hafa skilað sér inn í leikinn í kvöld. ,,Við fengum góða hvíld um jólin en við komum í hvern leik til þess að rústa honum.”
Eftir frekar jafnan fyrri hálfleik stakk FSu af í þeim seinni og unnu góðan sigur. Sigurinn var afrakstur af góðum varnarleik að mati Árna. ,,Ég myndi segja að í fyrri hálfleik vorum við að gera varnarmistök sem við löguðum í seinni hálfleik. Brynjar þjálfari talaði mikið í hálfleik um hvað við værum að gera vitlaust í vörninni. Við löguðum það í þeim seinni og svo fara skotin að detta þegar vörnin lagast.”
Næsti leikur FSu er gegn grönnum sínum í Þór Þorlákshöfn og þegar Karfan.is spurði hann hvernig sú viðureign myndi fara – stóð ekki á svari Árna. ,,Við slátrum þeim. Við slátrum þeim eins og litlum börnum.”
Mynd: [email protected]
