BC Aarhus, liðið sem Arnar Freyr Jónsson samdi við í danmörku fyrir tímabilið er spáð 7. til 10. sæti á heimasíðu dönsku deildarinnar, Nafni hans, Arnar Guðjónsson er þjálfari liðsins sem hét á síðasta tímabili Aabyhöj IF. BC Aarhus hefur bætt við sig fimm leikmönnum fyrir tímabilið en misst 6 leikmenn og þar af Ólaf Sigurðsson. Værlöse BBK sem Axel Kárason leikur með er spáð 6. -10. sæti og verða liðin því líklega að berjast á svipuðu reiki í deildinni.
Axel Kárason hefur leikið við góðan orðstír í dönsku deildinni síðastliðin 2 ár og mun líklega láta til sín taka með Værlöse í ár. Hann skoraði að meðaltali 11 stig og hirti tæplega 7 fráköst í þeim 30 leikjum sem hann spilaði með liðinu á síðasta tímabili.
Fyrsta umferðin í dönsku deildinni fer fram 22. september næstkomandi en Arnar Freyr og félagar í BC Aarhus mæt Aalborg Vikings og fjórum dögum seinna fær Værlöse sterkt lið SISU í heimsókn.
Mynd: Henrik Bo
