Nýliðar Fjölnis í Dominos deild kvenna hafa samið á nýjan leik við bandaríska bakvörðinn Ariel Hearn um að leika með liðinu á komandi tímabili.
Hearn var með Fjölni á því síðasta, er liðið tryggði sér efsta sætið í fyrstu deildinni og var síðan valið til þess að fara upp í Dominos deildina eftir að leik var aflýst.
Í sjö leikjum með Grafarvogsfélaginu skilaði Hearn 24 stigum, 13 fráköstum og 7 stoðsendingum að meðaltali í leik.
