Hinn efnilegi Ágúst Goði Kjartansson lék sinn fyrsta leik með Paderborn á árinu í gærkvöldi er liðið laut í lægra haldi gegn Bochum í Pro A deildinni í Þýskalandi, 94-69.
Ágúst Goði, sem er ný orðinn 19 ára gamall, hefur verið á mála hjá Paderborn þetta og síðasta tímabil, en hann er að upplagi úr Haukum.
Á rúmum 13 mínútum spiluðum með Paderborn í gær skilaði Ágúst 6 stigum, 2 stoðsendingum og frákasti.
Paderborn er sem stendur í 11. sæti Pro A deildarinnar með 9 sigra og 10 töp það sem af er tímabili.